Дони Дарк е романтична комедија чија содржина го опфаќа процесот на осамостојувањето на млад слеп човек, и неговата социјална интеграција во општеството, при тоа прикажувајќи ги различните емотивни фази и состојби низ кои минуваат овие лица и нивните семејства.

Дејствието е сетилно, подржано со многу интензивни емоции, и се движи некаде помеѓу болката и радоста, љубовта и омразата, моќта и немоќта, горкото и слаткото… Заради својата тематика, која ги опфаќа правата и социјализацијата на луѓето со посебни потреби, но и заради сите други квалитети кои ги има како театарска пиеса, Дони Дарк е исклучително актуелен.

Со овој театарски проект Театар Комедија беа реализирани неколку проекти за подобрување на условите за пристап и непречено следење на претставите од страна на лицата со хендикеп и се вброи меѓу театарските куќи кои ги отвораат портите за сите категории на граѓани. За оваа претстава, по ваша претходна најава во билетарницата, обезбедуваме титл за глувонеми лица.