Хероини од три позначајни македонски пиеси од 20 век бегаат во комедија сместена во 2032 година. Тие сакаат промени, сакаат да станат мајки. Мажите, нивните херои, одат по нив во новиот жанр за да ги вратат назад. Дали иднината е во криза, дали светот ќе стане клиника за вештачкото во секоја смисла на зборот, па дури и за драмското оплодување? 

Оваа претставата беше дел од проектот „Кршење на традицијата“ – проект на соработка на Театар Комедија и Зетски дом – со кој се преиспитуваа и редефинираа традиционалните вредности на двата народа.

Награди:

Награда за најдобра претстава „Исчекор во храброста“ на „Театар фест“ – Бања Лука, 2017. Награда за најдобра претстава, најдобар драмски текст, најдобра главна женска улога, најдобра машка епизодна улога и најдобра женска епизодна улога на 52. МТФ „Војдан Чернодрински“ – Прилеп, 2017.