Амбасадорот на Република Словенија во Скопје, H.E. г. Милан Предан во соработка со НУ Театар Комедија организираа промоција на книжевниот проект EuropeReadr. Настанот се организираше на 4-ти октомври, 2021, локација Театар Комедија, (сцена на отворено, Бистро Комедија) со почеток во 19:30, во соработка со катедрите за чешки јазик и литература, полски јазик и литература, словенечки јазик и литература и италијански јазик и литература од Филолошкиот факултет „Блаже Конески“ Скопје.

Од 1 јули до 31 декември 2021 година, избор од европска литература под наслов „Иднината на живеењето“ е достапен за бесплатно читање. Секоја земја – членка на ЕУ учествува со по едно дело на изворниот јазик и превод на англиски јазик. Преку различните книжевни жанрови – романи, раскази, поезија, стрипови, есеи – претставуваат широк спектар на погледи и ѝ се обраќаат на најшироката публика.

Иницијатор и координатор на проектот е словенечкото претседателство со Советот на ЕУ. https://www.europereadr.eu/